Сьвятара Андрэя Наздрына абвінавацілі па арт.19.11. Кодэксу аб адміністрацыйных парушэньнях (распаўсюджваньне экстрэмісцкіх матэрыялаў), піша тэлеграм-канал «Хрысьціянская візія».
Сьвятара затрымалі некаторы час таму, праверылі яго тэлефон і сацыяльныя сеткі і знайшлі ў інстаграме падпіску на горадзенскага журналіста Руслана Кулевіча, сацсеткі якога былі прызнаныя экстрэмісцкімі матэрыяламі ў студзені 2023 году. Міліцыя склала на сьвятара пратакол.
Журналіст Руслан Кулевіч вымушана зьехаў зь Беларусі. Ён галоўны рэдактар @mostmedia.io, аўтар відэапраекту «Мы вернемся» і «Беларусы могуць».
У выніку судзьдзя Алена Тоўсьцік-Самойла вырашыла пакараць сьвятара штрафам 15 базавых велічынь (555 рублёў). Таксама яна канфіскавала мабільны тэлефон сьвятара.
