Апошнімі днямі ў «крытыя турмы», прызначаныя для самых злосных крымінальных злачынцаў, былі пераведзеныя з папраўчых калёніяў Мікола Статкевіч і Мікалай Аўтуховіч, піша нямецкае выданьне «Spiegel Online». Публікацыю перадрукавалі іншыя нямецкамоўныя СМІ.
Прадпрымальнік Мікалай Аўтуховіч, які сядзіць за кратамі ад лютага 2009 году за пяць патронаў, у знак пратэсту супраць незаконнага прысуду і самаўпраўства турэмных уладаў некалькі разоў абвяшчаў працяглыя галадоўкі, а таксама ўскрыў сабе вены. Вынік знаходжаньня за кратамі — хранічныя захворваньні; належнай мэдычнай дапамогі Аўтуховіч ня мае. У адным з сваіх апошніх пісьмаў на волю палітвязень напісаў: «Яны ставяцца да мяне не як да чалавека, а як да жывёліны».
У «крытую турму» для небясьпечных злачынцаў крыху раней за Аўтуховіча быў пераведзены і экс-кандыдат на прэзыдэнта Мікола Статкевіч. Ён атрымаў шэсьць гадоў зьняволеньня за ўдзел у масавых пратэстах у сьнежні 2010 году супраць пераабраньня дзейнага прэзыдэнта Аляксандра Лукашэнкі.
Ані Мікалай Аўтуховіч, ані Мікола Статкевіч, ані Андрэй Саньнікаў, ані іншыя палітвязьні, якія цяпер у няволі, не прызналі сваёй віны і не пажадалі пісаць прашэньне на імя прэзыдэнта аб памілаваньні.
Раней Лукашэнка патлумачыў, што гэтыя людзі, маўляў, захацелі стаць героямі:
«Я і кажу ім: «Бог з вамі, будзьце героямі. Сядзіце...»
Прадпрымальнік Мікалай Аўтуховіч, які сядзіць за кратамі ад лютага 2009 году за пяць патронаў, у знак пратэсту супраць незаконнага прысуду і самаўпраўства турэмных уладаў некалькі разоў абвяшчаў працяглыя галадоўкі, а таксама ўскрыў сабе вены. Вынік знаходжаньня за кратамі — хранічныя захворваньні; належнай мэдычнай дапамогі Аўтуховіч ня мае. У адным з сваіх апошніх пісьмаў на волю палітвязень напісаў: «Яны ставяцца да мяне не як да чалавека, а як да жывёліны».
У «крытую турму» для небясьпечных злачынцаў крыху раней за Аўтуховіча быў пераведзены і экс-кандыдат на прэзыдэнта Мікола Статкевіч. Ён атрымаў шэсьць гадоў зьняволеньня за ўдзел у масавых пратэстах у сьнежні 2010 году супраць пераабраньня дзейнага прэзыдэнта Аляксандра Лукашэнкі.
Ані Мікалай Аўтуховіч, ані Мікола Статкевіч, ані Андрэй Саньнікаў, ані іншыя палітвязьні, якія цяпер у няволі, не прызналі сваёй віны і не пажадалі пісаць прашэньне на імя прэзыдэнта аб памілаваньні.
Раней Лукашэнка патлумачыў, што гэтыя людзі, маўляў, захацелі стаць героямі:
«Я і кажу ім: «Бог з вамі, будзьце героямі. Сядзіце...»
