«Гэты незаконны акт яшчэ больш падрывае сувэрэнітэт і незалежнасьць Украіны, а таксама ёсьць грубым парушэньнем міжнароднага права і міжнародных пагадненьняў, у тым ліку Статуту ААН, Хэльсынскага заключнага акту, Парыскай хартыі і Будапэшцкага мэмарандуму», — адзначаецца ў заяве.
Бурэль таксама ўдакладніў, што сваім рашэньнем прызнаць асобныя раёны Данбасу ў якасьці «незалежных дзяржаваў» Расея «адназначна парушыла Менскія пагадненьні, якія прадугледжваюць поўнае вяртаньне гэтых раёнаў пад кантроль ураду Ўкраіны».
Такім чынам, падкрэсьліў Бурэль, Расея парушыла свае абавязкі ў «нармандзкім фармаце» і ў Трохбаковай кантактнай групе. «Гэта таксама парушэньне рэзалюцыі Рады Бясьпекі ААН 2202, якая патрабуе поўнага выкананьня Менскіх пагадненьняў», — гаворыцца ў заяве. Бурэль заклікаў Расею «як бок канфлікту» адмовіцца ад прызнаньня сэпаратысцкіх утварэньняў.
