Ізраіль заяўляе, што ХАМАС абвяргае ключавыя элемэнты пляну ЗША ў спыненьні агню ў сэктары Газа.
11 чэрвеня ХАМАС афіцыйна адказаў на прапанову ЗША аб спыненьні агню ў сувязі з васьмімесячнай вайной у сэктары Газа, і Ізраіль заявіў, што гэты адказ раўнасільны адмове, у той час як прадстаўнік ХАМАСу заявіў, што палестынская групоўка проста паўтарыла даўнія патрабаваньні, не задаволеныя бягучым плянам.
Прадстаўнік ХАМАС, які пажадаў застацца невядомым, паведаміў Reuters, што адказ пацьвердзіў пазыцыю ХАМАС аб тым, што спыненьне агню павінна прывесьці да канчатковага спыненьня баявых дзеяньняў у сэктары Газа, вываду ізраільскіх войскаў, аднаўленьня палестынскага анкляву і вызваленьня палестынскіх зьняволеных у Ізраілі.
«Мы пацьвердзілі нашую ранейшую пазыцыю. Я лічу, што вялікіх разрываў няма. Цяпер мяч на ізраільскай пляцоўцы», — сказаў ён.
Злучаныя Штаты заявілі, што Ізраіль прыняў іх прапанову, але Ізраіль не заяўляў пра гэта публічна, адзначае Reuters. Ізраіль неаднойчы заяўляў, што ня возьме на сябе абавязаньня спыніць сваю кампанію ў Газе да таго, як ХАМАС будзе зьнішчаны.
Ізраільскі чыноўнік заявіў 11 чэрвеня, што краіна атрымала адказ ХАМАС ад пасярэднікаў і што ХАМАС «зьмяніў усе асноўныя і найбольш значныя парамэтры» пляну. Так, паводле яго, ХАМАС «адхіліў прапанову аб вызваленьні закладнікаў, прадстаўленую прэзыдэнтам Байдэнам».
Раней стала вядома, што ХАМАС прапанаваў новы графік пастаяннага спыненьня агню з Ізраілем і вываду ізраільскіх войскаў з сэктара Газа, у тым ліку з Рафаху.
Афіцыйны прадстаўнік ХАМАС Самі Абу Зухры паведаміў агенцтву Reuters 11 чэрвеня, перш чым пасярэднікі атрымалі адказ групоўкі, што ХАМАС прыняў рэзалюцыю Рады Бясьпекі і гатовы весьці перамовы па дэталях спыненьня агню.
Таксама 11 чэрвеня ХАМАС і ягоны саюзьнік Палестынскі ісламскі джыхад выказалі «гатоўнасьць пазытыўна» дасягнуць пагадненьня аб спыненьні вайны ў сэктары Газа ў сумеснай заяве, якую некаторыя інтэрпрэтавалі як прыняцьце прапановы Байдэна.
Дзяржсакратар ЗША Энтані Блінкен, які прыбыў у Тэль-Авіў на сустрэчу з ізраільскімі афіцыйнымі асобамі, назваў гэта «абнадзейлівым знакам».
Як паведаміла агенцтва Reuters з спасылкай на заяву аднаго з вышэйшых адказных прадстаўнікоў ХАМАС, баявікі гатовыя абмяркоўваць дэталі пляну, прапанаванага ў рэзалюцыі ААН. Дзяржаўны сакратар ЗША назваў гэтую навіну «абнадзейлівым знакам».
Катарскія і эгіпецкія пасярэднікі заявілі, што атрымалі фармальны адказ ад ХАМАС на мірныя прапановы, падтрыманыя ААН. Паводле іх, ХАМАС і іхныя палестынскія хаўрусьнікі выказалі «гатоўнасьць да дасягненьня пазытыўных дамоўленасьцяў» аб завяршэньні вайны ў Газе.
Нягледзячы на гэта, і Ізраіль, і ХАМАС, хоць і падтрымалі прапановы, але выказалі сумневы ў магчымасьці рэалізаваць гэты плян.
Абмеркаваньне плянаў пасьляваеннага ўладкаваньня Газы прадоўжыцца яшчэ некалькі дзён, заявіў дзяржсакратар ЗША Энтані Блінкен у Тэль-Авіве пасьля перамоў з кіраўнікамі Ізраілю 11 чэрвеня. У часе гэтых сустрэч абмяркоўвалі магчымасьці завяршэньня ізраільскіх паветраных і паземных удараў па групоўцы ХАМАС.
- 7 кастрычніка Ізраіль зазнаў ракетны ўдар з боку сэктару Газа, а баевікі руху ХАМАС прарваліся на тэрыторыю краіны, забіўшы ня меней за 260 удзельнікаў музычнага фэсту і захапіўшы сотні закладнікаў. Некаторых людзей расстрэльвалі проста на вуліцах.
- Армія абароны Ізраілю (ЦАХАЛ) у адказ на атаку пачала ваенную апэрацыю «Жалезныя мячы». Ужо 8 кастрычніка Ізраіль афіцыйна абвясьціў стан вайны.
- ХАМАС папярэдзіў, што будзе забіваць аднаго з закладнікаў кожны раз, калі ізраільскія вайскоўцы будуць бамбіць цывільныя аб’екты ў Газе.
- Агулам ХАМАС захапіў у палон больш за 240 чалавек і забіў каля 1200. За час паўзы ў баявых дзеяньнях з палону вярнулі 110 чалавек, яшчэ каля 120 застаюцца ў закладніках. Некаторыя зь іх былі завочна абвешчаныя памерлымі ізраільскімі ўладамі. Як сьцьвярджае падкантрольнае ХАМАС міністэрства аховы здароўя Газы, з палестынскага боку загінулі больш за 36 тысяч чалавек — незалежна гэтыя зьвесткі пацьвердзіць немагчыма.
Вайна Ізраілю з ХАМАСам. Асноўнае
- 7 кастрычніка 2023 году Ізраіль зазнаў ракетнага ўдару з боку сэктару Газа, а баевікі руху ХАМАС прарваліся на тэрыторыю краіны, забіўшы ня меней за 260 удзельнікаў музычнага фэсту і захапіўшы сотні закладнікаў. Некаторых людзей расстрэльвалі проста на вуліцах.
- Уварваньне з сэктару Газа адбылося ў 50-ю гадавіну пачатку вайны Суднага дня 1973 году.
- Армія абароны Ізраілю (ЦАХАЛ) у адказ на атаку пачала ваенную апэрацыю «Жалезныя мячы». Ужо 8 кастрычніка Ізраіль афіцыйна абвясьціў стан вайны.
- ХАМАС папярэдзіў, што будзе забіваць аднаго з закладнікаў кожны раз, калі ізраільскія вайскоўцы будуць бамбіць цывільныя аб’екты ў Газе.
- Іран заявіў, што не бярэ ўдзелу ў вайне, але адкрыта заявіў пра падтрымку дзеяньняў ХАМАСу. Найвышэйшы ўладар Ірану аятала Алі Хамэнэі заявіў: «Мы цалуем рукі тым, хто плянаваў напад на сыянісцкі рэжым».
- Колькасьць параненых беларусаў на 10 кастрычніка 2023 году — 3 чалавекі. Стан адной з параненых жанчын цяжкі.
- 10 кастрычніка ў кібуцы Кфар Аза побач з сэктарам Газа выявілі целы дзясяткаў забітых, у тым ліку малых дзяцей.
- Міністар абароны Ізраілю Яаў Галант 11 кастрычніка заявіў, што войска пераходзіць да поўнамаштабнага наступу на сэктар Газа.
- Лібанская ўзброеная групоўка «Хезбала» 11 кастрычніка абстраляла супрацьтанкавымі ракетамі пазыцыі ізраільскіх вайскоўцаў і заявіла, што забіла і параніла іх.
- Па стане на 17 кастрычніка вядома, што ў Ізраілі з пачатку вайны загінулі трое грамадзян Беларусі.
- Ізраіль у лістападзе 2023 году пайшоў у атаку на сэктар Газа і заявіў аб пашырэньні наземнай апэрацыі.
- 22 лістапада стала вядома, што Ізраіль і ХАМАС у Катары падпісалі пагадненьне ад замірэньні на 4 дні. Пазьней замірэньне падоўжылі, але ўжо 30 лістапада яно спынілася пасьля ракет з Газы па Ізраілі, заявілі ў ЦАХАЛ.
- За час замірэньня з палону ХАМАС было вызвалена 105 закладнікаў, а з ізраільскіх турмаў 240 палестынскіх зьняволеных.
- 6 студзеня Ізраіль заявіў пра тое, што поўнач Газы зачышчаная ад баевікоў ХАМАС.
«Хэзбала» выпусьціла ракеты па Ізраілі на наступны дзень пасьля нападу ХАМАС, у кастрычніку 2023 году. З таго часу абстрэлы на мяжы адбываюцца амаль штодня. Дзясяткі тысяч жыхароў эвакуавалі з прымежных раёнаў з абодвух бакоў.
«Хэзбала» — ваенізаваная групоўка і палітычная партыя, якая кантралюе значную частку паўднёвага Лібану. Злучаныя Штаты лічаць яе тэрарыстычнай арганізацыяй. Эўрапейскі Зьвяз унёс у свой сьпіс такіх арганізацыяў толькі яе ўзброенае крыло, але не палітычную партыю (партыя «Хэзбалы» прадстаўлена ў парлямэнце Лібану). «Хэзбала» таксама ёсьць часткаю так званай іранскай «восі супраціву» — сеткі іранскіх давераных асобаў і падтрыманых Тэгеранам групаў баевікоў, якія выступаюць супраць Ізраілю і ЗША. - Увосень 2024 году рэзка вырасла супрацьстаяньне на ізраільска-лібанскай мяжы. «Хэзбала» атакавала Ізраіль, а ў Тэль-Авіве вырашылі правесьці сэрыю авіяналётаў, каб зьнішчыць атакавальны патэнцыял «Хэзбалы».
- 23 верасьня Ізраіль распачаў першую з 2006 году наземную апэрацыю на поўдні Лібану, калі пачалася Другая лібанская вайна (Ліпеньская вайна). Апэрацыю назвалі «Стрэлы поўначы».
- 27 верасьня Ізраіль нанёс магутныя ўдары па Лібане і забіў лідэра «Хэзбалы» Хасана Насралу.
- 3 кастрычніка Армія абароны Ізраілю паведаміла пра атаку на аб’екты «Хэзбалы» ў Бэйруце.
Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.
Форум