Пра гэта паведамляе «Нямецкая хваля». Дзярждума і Савет Фэдэрацыі ўхвалілі гэты закон яшчэ 27 студзеня.
Дамова аб скарачэньні стратэгічных наступальных узбраеньняў уступіла ў сілу 5 лютага 2011 году, калі прэзыдэнтам ЗША быў Барак Абама.
Дамова абмяжоўвае ядзерныя арсэналы РФ і ЗША 800 носьбітамі ядзернай зброі і 1550 ядзернымі боегалоўкамі для кожнага боку.
Гэта пагадненьне было заключанае ў 2011 годзе тэрмінам на дзесяць гадоў з магчымасьцю падаўжэньня.
Уладзімір Пуцін і новы прэзыдэнт ЗША Джо Байдэн змаглі дамовіцца аб працягу гэтага пагадненьня на 5 гадоў, тэрмін дзеяньня дамовы сканчаўся 5 лютага.
- У выпадку, калі б дамова не была працягнутая, сьвет упершыню за многія дзесяцігодзьдзі апынуўся б без пагадненьня аб абмежаваньні стратэгічных ядзерных узбраеньняў.
- Адсутнасьць пагадненьня давала б кожнаму боку магчымасьць неабмежавана нарошчваць свае ўдарныя ядзерныя сілы.
- РФ і ЗША разам валодаюць амаль 90% сусьветнага ядзернага арсэналу.
