Як напісала Тацяна Каравянкова ў Facebook, арышт наклалі на падставе пастановы галоўнага следчага ўпраўленьня цэнтральнага апарату Сьледчага камітэту ад 26 верасьня 2024 году.
Прычына такога перасьледу ў дакумэнце, які атрымала журналістка з кадастравага агенцтва, не паведамляецца.
Тацяна Каравянкова піша, што зьвярнулася ў Сьледчы камітэт па тлумачэньні, але адказу на свой ліст пакуль не атрымала.
Арыштаваная маёмасьць — гэта 1/3 частка дома, якой журналістка валодае сумесна са сваякамі.
Тацяна Каравянкова — вядомая беларуская журналістка.
Працяглы час працавала як палітычны і міжнародны аглядальнік у незалежным інфармагенцтве БелаПАН.
Ляўрэатка шэрагу журналісцкіх прэмій.
У 2021 годзе вымушана выехала зь Беларусі і сёньня жыве і працуе за мяжой.
Форум